منوعات

الطلاق

انا وحدة ماعندي اشي أخسره… اليأس مغرقني.. شعور الندم بيقتلني.. بالاضافة لشعور الخذلان.. الكسر معبي قلبي… بفكر بالانتحار طول وقتي..قصتي كالتالي… ورجاءا الي جواتي هلكني وموتني مابدي حدا يسمعني حكي… الي عنده نصيحة كلمة خير يحكيها والا يسكت لانو اقسم بالله يمكن كلمة سيئة اسمعها تكون سبب بموتي ولجوءي للانتحار..انا مطلقة وعندي طفلة.. كنت عايشة مع زوجي وبينا قصة حب… كنا عايشين مع بنتنا بكل هدوء وحياة مستقرة وانا بعشقه وهو نفس الشي… يعني باختصار الي كان بينا فوق التصور البشري من التفاهم والحب.. واوقات كانو قرايبنا يضلو يطلعولنا بحسد لانه انا واياه عمر صغير…بيوم من الايام في شب ضل يغازلني ويقلي انو بحبني ونفسه بكون معي… ضليت اطنشه واعمله بلوك وكل مرة يعمل حساب جديد…طبعا هديك الفترة كان زوجي شوي مشغول عنيدخل الشيطان جواتي خلاني اسمع كلام الشب لحد ماصار بينا علاقة…طبعا انا وقفت علاقتي ورجعت ندمت علي عملته… ضل عذاب ضميري اني عملت بالشخض الي بحبه هيك وخنته…اجا الوقت الي انا ضميري مواني فيه كان بينا علاقة حلوة لدرجة انه نحكي اسرارنا لبعض…بلحظة صفا اجيت وحكتله…. انا غلطت بحقك ومش قادرة اضلني مخبية….حكتله كل التفاصيل اني خنته بعدين ندمت…عطول حملني ووداني لبيت اهلي وطلقني…بس هون بلش يتعامل مو معاملة الرجل الي كان عشقان مرته…بلش يحكي علي للناس… ما خلى شب من صحابه الا حكاله عني اني خاينة وبالتفاصيل الي أمنته عليها لاني بوثق بحبنا…مو بس هيك…. راح شكا علي وعلى الشب للشرطة… وصار اسمي عند الشرطة ومعمم علي… انا عملت خطوة لحتى اثبتله اني وحدة بس بدها تصحح خطأها ويغفرلها زوجها… رحت وحكيت للشرطة وامام القاضي اني ارتكبت الخطأ واعترفت… كان مفكرني بدي انكر كوني انا الي صارحته… بس وقفت بكل ثقتي واعترفت….. ومع هيك ما عاملني الا بكل سوء… شهّر بسمعتي لكل الي بعرفهم… وما سترني ابدا…وانا اصلا من عيلة محترمة لكني غلطت وطلبت السماح باعتراف مني مو انه مسكني وانا برتكب الغلط…اجيت حكيتله بكل صراحة لحتى يكون سندي في تغيير غلطي… حكتله لعل وعسى انه يوقف معي مش يوقف ضدي.. وانا مو عايشة بالخيال.. توقعت وقتها يعصب ويتركني اشهر بس بالنهاية يتذكر انو كان بينا رابطة اقوى ويرجع…مو بس هيك اخد مني بنتي وحرمني شوفتها ٤ شهور…بعد فترة ٤ شهور.. رجعلي وعاش معي ٤ شهور وعاملني بكل حب وعفوا بهالكلام نام معي كزوجة .. بس كان
حارمني بنتي ماخذها عند اهله.. رجعني بالسرقة وكاني متزوجة بالسرقة حتى اهله مابعرفو… حرمني شوفة اهلي وحتى الشمس… بس كنت راضية لانه بدي اعيش معه باي طريقة…طلع عايش معي مصلحة… لحتى ياخد كل ممتلكاتي… واخدها… بعد ٤ شهور رجع طلقني… وكان واعدني انو يرجعلي بس نسافر وننسى الي صار…طلع بيكذب علي… طلقني وصار لمن ارن عليه يبهدلني ويصرخ علي… قام تزوج وصار بدو ياخد البنت تعيش عنده مع مرت ابوها…ما وافقت وصار يرفع قضايا اني خاينة لحتى ياخد الطفلة مني… وبفضل الله القترة الي عشتها معه الاربع شهور بعد معرفته بالخيانة رجعتلي بنتي لانه قانونا بصير الحق معي .. حسيت ربنا وقف معي… انو صح رجعني مصلحة بس قلبت عليه اخدت بنتي وهيها معي…
طبعا اقنعني بالفترة الي عاش فيها معي انو ادفع عنه اقساط شهربة لسيارته اهلي اشتروله اياها وكانوا كفلاء… للان انا بدفعها لانه ضحك علي… بشتغل من الصبح للمسا.. عشان ادفع حق سيارته بكل ظلم….استغلني واستغل اهلي عشان غلطي الي غلطته… اخد كل ذهبي وتنازلت عن مأخري.. وكل اشي ومع هيك…حاليا القصية الي رفعها علي سقطت بعفو من الملك.. اجا من ربنا…بس ضل اشي الي هو الحق المالي… وحاليا رجع رفع استحقاق حقوق مالية بدل ضرر مادي ومعنوي… لسا بدو اياني اضل ادفع…بدفعله حق سيارته وبدو ياخد مني كمان…بساومني عبنتي يا بعطي اياها وبسقط هاي الدعوة… يا ما بسقطها…انا باجماعة محطمة… فكرت حالي اعترفت لشخص بخاف ربنا… اهلكني صارلي ٣ سنين بالقصة.. وهو ما زال بشهر فيه وبحكي علي… رغم انو عاش معي بعد الخيانة حياة طبيعية تماما …انا الف مرة فكرت بالانتحار… تعبت….معقول اضلني اسدد مصاري طول عمري… مرة سيارته ومرة اجور محاميين…بنتي وقت كنت بشتغل وبقدر اعيشها عيشة منيحة كان كل راتبي سداد لسيارته… ولا قرش يضللي منه…وقديش احتجت لفلوس ماكنت قادرة أمن اواعي لبنتي بسبب انه بياخد راتبي وهو مطلقني وما بصرف عبنته فوق هاد كله…ياجماعة انا يأست… تعبت…. القضايا لسا بالمحاكم…. ماخلصت…وين الستر 😔😭

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
إغلاق