منوعات

المشاكل الزوجية

من عشر سنين تقريبا بالبلاء ومن عشر سنين لليوم وانا بدعي ربنا ليل نهار بكل صلاه وقيام ليل بدعي وببكي بحرقه وبترجى ربنا انو يساعدني ويفرج عني لانو كل ما يمر علي يوم بتعب اكتر وبقل تحملي عن قبل. بس مو عارفه ليه ربنا ما بيستجيب دعائي يمكن تحكولي ربنا بأخرلك الفرج لوقتو المناسب بس هالوقت بعلم الغيب يمكن بعد يوم او سنين بس اللي بعرفو انو كل يوم بمر علي بموت ألف مره وربنا ما بحمل نفس فوق طاقتها وانا حاسه انو كل اللي عايشتو فوق طاقتي بكتير لانو بلشت اوصل لمرحله كتير افكر بالانتحار لانو مافي حل للاسف جربت كل الحلول الممكنة ولا من اي ناحيه بلاقي حل لحياتي بس طبعا مستحيل انتحر لانو الانتحار حرام بخاف ربنا ومابدي ادخل النار ومابدي اترك ولادي لانو ماحدا راح يحبهم متلي ولادي تنين صغار بالعمر ومتعلقين فيني وانا متعلقه فيهم بجنون بالاخص البنتبالمختصر انا عمري بأواخر العشرين وزوجي بالاربعين النا عشر سنين متزوجين وحياتنا للأسوء جوزي مابصلي وبيشرب خمر واصحابو كلهم سيئين خمر وخيانه لزوجاتهم وهو بحاول يقلدهم لحتى يتعايش معهم حياتو عباره عن سفر واصحاب وشرب وكل فتره بيتعرف على بنت كل ما اواجهو بينكر وبحكيلي انتي مجنونه وبتهيألك وانا بشوف الاشي بعيوني في موبايلو بيعملي مشكله وبيقلب الحق باطل انا ماخليت اسلوب الا واتبعتو معو بالمنيح وبالمصارحه وبالحكي العادي واني افهمو انو الاشياء اللي بساويها حرام واحبلو ادله من القرانوحاولت بالعياط والهجر وحاولت بالتقرب منو والاهتمام فيو وبحالو. ماضل وسيله الا واستعملتها لحتى نفذت كل طاقتي باول حياتنا ماكنت قادره اطلب الطلاق لانو كنت متعلقه فيو تزوجت صغيره وهو اكبر مني وتعودت عليه بس حاليا كرهتو وكرهت حياتي ثقتي فيو معدومه وكمان انعدمت ثقتي بحاليمافي عنا حياه اجتماعيه منعني عن الناس ببداية حياتنا وعن اهلي بعد كم سنه من الزوج وعن الجيران وعن الوظيفه مابيوثق فيني بالمره رغم اني صاينتو وبخاف الله فيه رغم اهمالو وخيانتو بفكر بالطلاق بس مابيزبط لعدة اسبابانو مابدي اطلق واترك ولادي بعد الطلاق يزورو لانو بشرب وبخاف عليهم منو لانو وهو مش صاحي حتى باللعب معهم بأذيهم وبزعجهموانا ما بقدر يبعدو عني ولادي يوم وهو عندو استعداد يهرب ياخدهم فيهم برا البلد ولا يخليهم يعيشو معي حسبي الله ونعم الوكيل من قبل كان قرار الطلاق صعب لهالاسباب بس اخر فتره قلت خلص ما عاد اتحمل وقت قررت اطلب الطلاق وفاتحتو بالموضوع هددني انصدمت ماكنت متوقعه هيك ردة فعل بالمرةهو جاب سلاح عالبيت وهددني اذا بطلق راح يقتل ولادو وطبعا بعملها لاتستغربو منه ابدا لانو عندو يموتهم ولا يعيشو معي وانبسط انا وياهم بحياتنا ويبعد عنا وهددني كمان يقتل حدا من اهلي وطبعا بعملها لانو بيكرههم والو سنين مانعني عنهم اهلي ما شفتهم ولا زرتهم اكتر من مره حكولي اطلق اهلي وضعهم المادي سيء جدا وجوزي غني وكل حياتو واسطات وكل اصحاب النفوذ بجيبتو اهلي اذا ادخلو راح يصير دم مابقدرو يحطولي محامي بس مستعدين يموتو مشاني بس انا مابدي يتأذو بسببي ولادي واهلي مابتحمل نقطت دم تنزل منهم انا لاقادره اعيش معو بسبب شربو المقرف وخيانتو بحس روحي بتطلع بكل يوم وكمان اهمالو الي من اول ماتزوجنا لليوم اهمال من جميع النواحي عندو الحياه بس اكل وشرب لاحب ولا جنس ولا اهتمام ولا حياه اجتماعيه وهو بدو يعيش كل اشي برا البيت لوحدو يا جماعه بالملخص الحياه مو مظاهر صح وضعنا المادي كويس بنوكل وبنشرب وبنلبس وبنسافر بس صدقا حياه معدومه حتى بالسفر بحس اني وحيده وضايعه مافي تفاهم ولا نقاش ولا سعاده بينا همو الشرب وعنيه عالصبايا اللي برا البيتمو شرط اذا جوزك مابيضرب وبطعميكي وبشربك بلبسك وبسفرك انك عايشه مرتاحه هدول مظاهر لجحيم داخلي ونفسي الوجع النفسي اشد من الجسدينفسي اصرخ واحكي بكفي بكفي مابدي هالحياهعطول بدعي ربنا وبعيط وبحكيلو يارب ماعاد فيني اتحمل بكفي مابدي اكمل اذا مابدك تفرجها عليي عالاقل خد روحي وريحيني من هالحياة يا رب.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
إغلاق