منوعات

حب المراهقة

انا بنت عمري ٢٤ سنه من عمان بدرس موضوع تمريض بالاردن. كنت بعلاقه مع شب من سن المراهقه من جيل ١٨ سنه . وقتها كنا مسافرين ع دبي وكنا بالمطار وكان الشب وابوه وصار بين ابي وبين ابو الشب تعارف ونحنا تقربنا لبعض وطول الوقت في دبي كنا مع بعض . تعذبت معو كثير وحبيتو من كل قلبي ياما اكتشفت انو بحاكي بنات ع المواقع وبخون .. انا مره بذكر دخلت حسابو الانستا وشفت محادثاتو مع البنات صرت ارجف من الصدمه .ياما دعيت عليه من كثر ما كسرني . يوم سمع اني راح اخطب وما حب انخطب بعث اهلو وامو ما رضيت فيني ما اعرف يا الله قديش وقتها انخذلت وانكسرت كسره كبيره .بدها لابنها بنت احلى مني مع اني مقبوله وجميله بس ما بعرف ليش الناس بتحب تفرق بين اثنين بحبو بعض وهو ما قصر كمان تركني وقطع الامل عشان مامتو ما بدها انا بعرف انكم رح تقولو لو حبك ما تركك وانا كمان نفس الاشي بحكي . كل ما اتذكر امو بحس قلبي بحترق حرق .انا واقفه حياتي بعدو الاصغر مني بخطبو وبتزوجو وانا حياتي واقفه .. بطلبوني ناس وما بتصير خطوبه وانا كل يوم بخاف اسمع انو خاطب . انا واياه لهسا غلى اتصال وبنحكي وبيحكيلي خلينا اصدقاء وانا عشان بحبو ما بقدر ابعد عنو .يا ناس هو كاسرني الله ينتقم منو ومن امو انا حياتي واقفه وخايفه انصدم شي يوم لما اسمع خطوبتو. انا جواتي حقد عليه كبير جدا .خايفه اتزوج وما احب زوجي . خايفه الله يبتليني عشان بغضبو معو بالكلام . انا كل يوم ببكي من وجعي ومن كثر ما بكيت بطل ينزل دموع . يا بنات اكيد انتو حاسين فيني خاصتا اللي جربو شعور الكسره . انا لما اشوف حد من قرايبو بحس حالي مكسوره بعينهم عشان ما انخطبت لالو بحسها فشله الي .ياما غلطت عليه وجرحتو بالكلام وياما ذليت حالي واترجيتو يضل معي لو اصدقاء عشان شعور البعد مؤلم .يا بنات انا صارلي سنين محبوسه بسجنو ومو قادره اطلعو من راسي وقلبي ياما صليت ودعيت بسجودي الله يجمعني فيه وانا ببكي ياما قمت قيام الليل ادعي يجمعني فيه . ياما بان على وجهي الانكسار والذل وياما وياما بس الانكسار هاذ ضل بيني وبين نفسي ما بينتو لحد بالدنيا بس الاشي هاذ اثر ع روحي واطفأها .بنات انا حاسه اني بكبر وما بنسا ومرات بقطع الامل اني اتزوج وبخاف من المعاصي الي عملتهم .انا بعرف ان قصتي ملخبطه والكلام شرق وغرب بس انا هسا قاعده بكتب وبكب اللي بقلبي هان .انا دايما بقول حسبي الله في الي فرقنا عن بعض.هو وضعو المادي صعب ومش ماسس حالو .لا تسألوني ليش وكيف بس انا تعبت يا ناس شو اعمل .خلاني اغضب ربي كثير .هلاء هو عاملي بلوك من شي سنه على الفيس والانستقرام عشان ما بدو يشوف منشوراتي الحزن الي عم بنشرهم وعشان ما اضل اسألو مع مين عم تحكي . وبحلفلي يمين انو مو بعلاقه مع اي بنت وبطل الدواوين هاي من زما بس ما عم صدقو .الناس الي حولي شايفه اني بنت بعزة نفس عظيمه وما حدا بقدر يهزها بس هاد هو الشخص الوحيد الي بعترف انو ذلني .انقطعنا عن بعض مدة ٥ اشهر وصار يتصل فيني رقم خاص وبعد كثير محاولات رجعنا نحكي واياتنا بنحكي وكل يوم بنحكي وكلامنا بيغضب الله وانا ضايعه بالدنيا انا نفسي اتوب وما ارجع احكيه بس انا تعبت وتايهه دلوني دلوني دلوني شو اعمل ااخ يوجع قلبي .انا بصلي وعندي ايمان بس انا لما احكي معو بيحصل بينا كلام بيغضب الله .انا حبيت افضفض واطلع الي جواتي بدي تساعدوني او تدعولي دعوه او تحكولي شو اعمل عشان لما ابعد عنو بحس حالي خسرت الدنيا .مجرد اتخيل انو بعلاقه مع بنت تانيه الغيره بتذبحني وبقلبي بصير الف غصه وغصه مجرد اتخيلو مبسوط مع غيري .اعذروني على قصتي الملخبطه بس انا ضايعه ومو عارفه شو اعمل .قبل فتره كنت مع بابا وشفتو بمكان عام وكان معو شناطي السفر بدو يسافر وسألتو وين حكالي على دبي وراجعين بعد فتره . احنا لساتنا على اتصال مع بعضانا مو عارفه شو اساوي كيف ابطل احبو كيف ابطل حقد عليه كيف اتركو بضمير كيف اتركو وارتاح وما عاد اتزكرو كيف ما عاد ارجعلو ما عم بقدر يا صبايا ساعدوني قلبي مكسور ربنا يجبرو باقرب وقت.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
إغلاق