منوعات

تركيب العين الزجاجية

قبل كم سنة بنتي كانت تضلها تشكي لإمها من عينها اليسار وتحكيلها مش شايفة فيها كويس وبتوجعني ومش مرتاحه منها ابدا
قالتلها مرتي بوديكي على مركز للبصريات ويوم ورا يوم راحت القصة وما فحصت نظر البنت والبنت ما شكت وزوجتي قالت أكيد من السهر والتلفون
وقراءة الكتب يعني مجرد ارهاق أثر على عينها لا اكثر او يمكن معها قصر بالنظر او انحراف يعني حطينا جميع الاحتمالات الممكنة انها تكون معها بعيدا عن الحقيقة الي كنا جاهلينها لكن بعد فترة رجعت البنت تشكي من عينها وتحكي انا حاسة في اشي مش طبيعي بعيني في وجع وحتى شكلها متغير وحسيتها برزت لبرا فعلا انا كمان لاحظت بروزها للخارج وقلت لازم نوديها نفحصها ونطمن عليها لحتى نعرف شو مال عينها
ثاني يوم راحت زوجتي مع البنت على مركز بصريات حكولها لازم تروح على المستشفى لانها على الفحص هون ما بين معها اشي للبنت راحت على المستشفى الحكومي وحكولها مافيها اشي مجرد ارهاق للعين مثل ما توقعنا وكتبولها قطرات وجبناهم وبلشنا استخدامهم زي ما حكالنا الدكتور بعد سنة من المداومة على القطرات ما لاحظنا التحسن بالعكس تماما العين برزت بشكل مخيف والالم دائم صارت تحكي بنتي مش شايفة بعيني الا ضباب ما بشوف فيها منيح اكيد في اشي مش مزبوط هون خف عقلي والتمست ورحت ثاني يوم على مستشار طبي خاص وفحصها واعطانا موعد ثاني رجعنا على الموعد وبعدوا مش مبين معاه ولا اشي حولنا على مستشفى بهدف اجراء صور رنين مغناطيسي عشان يعرف شو معها وما بين اشي بالصور رجع كتبلنا صورة رنين مغناطيسي ملونة وهون بين معاه اعتلال في العصب البصري لكن ما حكالنا شو نوع الاعتلال ، المستشار كان شاكك بإشي وما رضي يحكيلنا وظل يطمن فينا بانه خير ان شاء الله لكن الشكوك بدأت عندي وقلبي ما اطمأن ابدا ابدا ويلي زاد من شكوكي وخلاني اتأكد انها البنت بتعاني من مرض رنة المستشار علي بحجة الاطمئنان عليها وطلب حضورنا باليوم الثاني للضرورة القصوى اعطانا تحويلة لمركز مختص بفحص العيون ورحنا بسرعة بنفس الوقت واجرولها عدة فحوصات على اكثر من جهاز خصوصي للعيون والأطباء اجتمعوا حواليها وولا واحد فيهم قدر يحدد الخلل من وين
وحكولي هاي اول مرة بتيجينا حاله وبنقف عاجزين أمام معرفتها اخر اشي كتبولنا اعتلال بالعصب البصري مرفق مع الصور والتقارير
رجعنا للمستشار الاول وشاف التقارير واعطانا تحويلة لمستشار ثاني متخصص بالاعصاب فقط وطلب مني زيارة المستشار لوحدي ومن مجرد رؤيتة لصور الرنين المغناطيسي تأكد انها البنت بتعاني من ورم خبيث على العصب البصري بعيد عنكم والله يشفيها ان شاء الله ..وتم اكتشافة بوقت متأخر جدا لازم من اول عرفنا انه في اشي غلط بعين البنت والحل الوحيد اجراء عملية لتركيب عين زجاجية..العملية بتكلف 11 الف دينار على يد المستشار الثاني وقررها بتاريخ 4/4/2019
الوقت ما اسعفني اجمع ربع تكلفة العملية للاسف الحال ما بسمح وموعد العملية اقترب لذلك لجأت للتأجيل بسبب عدم امتلاكي المبلغ بالرغم من خطورته يوم بعد يوم المستشار حكالي عادي بتقسطهم لكن لازم تعطيني دفعة اولى تقدر ب 8 الاف والباقي بقسطهم عليك والي جمعتهم ما بكفوا لدفعة اولى لانه عملي بسيط على قد الحال ومحدود الدخل وما اسعفني الوقت عشان اتداين جزء من المبلغ المطلوب للدفعة الاولى وكل يلي حوالي قطعوا ايدهم وشحدوا عليها والله العظيم هاي اول مرة بحياتي بطلب دين من حدا لكن للاسف بوقت الشدة مافي مساعدين لا أهل ولا أصدقاء المستشار أجل موعد العملية لوقت توافر الدفعة الاولى وكل مرة بيجي الموعد وانا بعدني مش مجمع المبلغ وحسيت ايامها المصاريف زادت من صور واطباء ومستشارين ومواصلات ومع أزمة الكورونا سحبت جزء من المصاري يلي كنت مخبيها للدفعة الاولى واقول مش مشكلة بس يفكو الحظر بشتغل شغلتين باليوم المهم ارجع الي اخذتهم وزيادة عليهم وكل ما يقترب موعد العملية أأجلها لحد ما وصلنا لهذا اليوم والعملية بعد شهر من الآن وضايل علي ألف ونص فقط بعد بذل مجهود الله وحده يعلم فيه وهاذ من فضل وكرم رب العالمين علي رجائي الوحيد الي بعرف جمعية او ناس ممكن يداينوني هاذ المبلغ عن طريق شيكات الله يجزيهم الخير يارب وياريت تدعوا لبنتي ولجميع محاربين السرطان بالشفاء القريب ان شاء الله.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق